आदिवासी बांधवांच्या विकासासाठी चौधरी परिवार कायम कटीबद्ध : आमदार शिरीष चौधरी यांची ग्वाही

प्रतिनिधी / रावेर 

आदिवासी बांधव हे कायम शिक्षित, प्रगत होऊन मुख्य प्रवाहात यावे यासाठी अनेक वर्षांपासून चौधरी परिवाराने कार्य केले आहे. बाळासाहेब चौधरी यांनी हेच उद्दिष्ट ठेवले. यामुळे आदिवासी बांधवांमध्ये अनेक तरुण हे शिक्षित झाले परदेशात गेले, अधिकारी झाले. त्यांनी रुजवलेला हा विचार आम्ही पुढे नेण्याचा प्रयत्न करीत आहे. विकासात्मक विचारांचे धोरण आजतागायत आमच्या परिवाराने अवलंबले असून याच विचारांनी कार्य सुरु राहील अशी ग्वाही आमदार शिरीष चौधरी यांनी आदीवासी मेळाव्यात संबोधताना दिली. 

विधानसभा निवडणुकीच्या पार्श्वभूमीवर पाल येथे आदिवासी समाजाचा भव्य मेळाव्याचे आयोजन करण्यात आले होते. प्रसंगी आमदार शिरीष चौधरी व प्रदेश उपाध्यक्षा प्रतिभा शिंदे यांच्या प्रमुख उपस्थिती मध्ये हा मेळावा घेण्यात आला. 

लोकसेवक मधुकरराव चौधरी यांनी आदिवासी बांधवाचा विकास व्हावा या दृष्टीकोनातून शिक्षणाची गंगा आदिवासी भागात आणली. त्यामुळेच अनेक आदिवासी बांधव कोणी शिक्षक,डॉक्टर अधिकारी झालेत तेच परंपरा कायम ठेवत आमदार चौधरी यांनी कायम ठेवली. अनेक विकासात्मक कामे केली विरोधी पक्षात असून सुद्धा गावाला जोडणारे रस्ते, गावांअंतर्गत आवश्यक असणारी विविध कामे, आदिवासी भागात केली. विरोधी पक्षात काम करताना देखील आपल्या मतदार संघासाठी आपण कायम प्रयत्नशील राहावे हाच उद्देश डोळ्यासमोर आम्ही ठेवला. आदिवासी बांधव नेहमी आमच्या परिवारावर प्रेम करत आलेले आहेत असे मत आमदार चौधरी यांनी यावेळी व्यक्त केले. तसेच आमची कायम साथ आणि आशिर्वाद तुमच्या पाठीशी राहील अशी ग्वाही आदिवासी बांधवांनी या मेळाव्यात दिली. रावेर विधानसभा मतदारसंघाच्या विकासात आदिवासी बांधवांची भूमिका महत्त्वाची असून या निवडणुकीत भव्य विजय संपादन करण्यासाठी सर्वांनी समर्पित भावनेने काम करू असे देखील आश्वासित केले. यावेळी सोबत जळगाव जिल्हाचे प्रभारी जम्मू काश्मीरचे आमदार गुलाम रझा,काँग्रेस प्रदेश उपाध्यक्षा प्रतिभा शिंदे, हाजी हमीद भायखा तडवी, मासुम तडवी, अहमद तडवी, आदिवासी सेल काँग्रेस जिल्हाध्यक्ष संजय जमादार, हाजी बशीर परमार, रतन बारेला, रफिक मौलाना, उस्मान तडवी, युनूस तडवी कामिल तडवी, जहाबिर तडवी , सलीम तडवी, उपसरपंच राजू तडवी, रशीद तडवी, अल्लाउद्दीन तडवी, शेख सकल नशीर, हबीब पठाण चिचाटी, सुलेमान तडवी सहस्रलिंग, शाबू तडवी सहस्रलिंग, कमाल हाजी कान्हा परसाळे, मसूद तडवी जानोरी, दिलावर खा गुलाब खा, शहादुर सलाबत, लतीफ रसूल तडवी सावखेडा, अभेराम मैनाब, सुपडू तडवी तिड्या, शिकारी गोपाळ चारमळी, इमान नामदार तडवी, सलमान शत्रू, इस्माईल, सरफराज सरदार, नुरा तडवी मोहगण, सरपंच लियाकत जमादार ,उपसरपंच मज्जीद तडवी उमर रमजान, सलीम तडवी पाल, गणेश मेंबर, सुपडू महबू तडवी कठोरा, अरमान सरपंच लालमाती, मेहरबानी युसुफ,रहमान गुलशर तडवी व अन्य मान्यवर उपस्थित होते...