निवडणूक : रावेरला प्रभाग 10 मध्ये चौरंगी लढत : रमण तायडे यांना मतदारांचा वाढता पाठिंबा

प्रतिनिधी / रावेर 

रावेर नगरपालिकेची निवडणूक 2 डिसेंबरला होत असून प्रचाराला जोमाने सुरुवात झाली आहे. प्रभाग क्र. 10( ब ) मधून चार उमेदवार रिंगणात असून येथे चौरंगी लढत होत आहे. शिक्षक असलेल्या रमण लक्ष्मण तायडे यांनी प्रचारात आघाडी घेतली असून मतदारांचा त्यांना उत्स्फूर्तपणे प्रतिसाद व पाठिंबा मिळत आहे. आपल्याकडे विकासाचे व्हिजन असून भावीकाळात नगरपालिकेच्या माध्यमातून प्रभागाला आदर्श बनविणार असल्याचा संकल्प केला असल्याची माहिती उमेदवार रमण तायडे यांनी दिली.

या प्रभागातून रमण लक्ष्मण तायडे यांनी अपक्ष उमेदवारी केलेली आहे. उच्च शिक्षित, मनमिळावू स्वभाव, सर्वसामान्य नागरिकांच्या अडचणीत धावून जाणारा, प्रसंगी मदत करणारा उमेदवार म्हणून रमण तायडे यांच्याकडे पाहिले जात आहे. श्री तायडे यांना या प्रभागातील समस्यांची जाण असून ते या समस्या भावी काळात मार्गी लावून विकास कामे करतील असा विश्वास मतदारांना आहे. समाजातील तसेच प्रभागातील शिक्षण घेणाऱ्या मुलांना सातत्याने मार्गदर्शन करून त्यांना सुशिक्षित व सुसंस्कारीत करण्यासाठी त्यांचे नेहमी प्रयत्न आहेत. 

या प्रभागातून रमण लक्ष्मण तायडे अपक्ष(आटोरीक्षा), वैभव संतोष देशमुख शिवसेना (धनुष्यबाण), गोपाल रत्नाकर बिरपण राष्ट्रवादी (घड्याळ) व राजेंद्र मधुकर अटकाळे अपक्ष (गॅस सिलेंडर )हे चार उमेदवार निवडणुकीच्या रिंगणात आहेत. अपक्ष उमेदवार रमण तायडे यांचा प्रभागातील प्रत्येक मतदारापर्यंत असलेला जनसंपर्क व वेळोवेळी नागरिकांचे सोडवलेले प्रश्न या त्यांच्यासाठी जमेच्या बाजू आहेत. यामुळे या प्रभागातून त्यांचा विजय निश्चित मानला जात असल्याची या प्रभागातील मतदारांमध्ये चर्चा आहे.